Tarxeta Benvida para os nacementos e adopcións no ano 2016

A Xunta inicia o deseño do plan de apoio á natalidade coa Tarxeta Benvida, que achegará 100 euros ao mes para os nenos e nenas que nazan a partir de 2016

Afirma que a Tarxeta Benvida parte dun plantexamento máis ambicioso que o que se barallara inicialmente, para poder chegar a máis familias e para chegar a todos os tipos de familias: así, 8 de cada 10 familias beneficiaranse dela
Destaca o aspecto cualitativo da tarxeta benvida, que cubrirá todos os gastos fundamentais que supón o nacemento dunha filla ou dun fillo. É dicir, gastos de alimentación, gastos de hixiene e gastos en produtos farmacéuticos
Lembra que a Tarxeta Benvida enmárcase no seo do Programa de Apoio á Natalidade, deseñado a partir de tres obxectivos básicos: que Galicia sexa un lugar que ofreza axudas para afrontar os gastos que supón o nacemento dun fillo; que sexa un lugar que apoie a conciliación da vida familiar e laboral e que Galicia sexa un lugar que garanta os servizos públicos que máis precisan as nenas e os nenos
Rey Varela salienta que a través do Programa de Apoio á Natalidade e da Tarxeta Benvida “aspiramos a que Galicia sexa un lugar mellor para vivir e para formar unha familia”

Máis información no ligazón

https://sede.xunta.es/detalle-procedemento?codCons=BS&codProc=403B&procedemento=BS403B