O vindeiro sábado 4 de maio desenvolverase o X Encontro Escolar de Xogos Tradicionais en Muimenta (Lugo).
Se dende a súa entidade desexan tomar parte nesta actividade, poden recabar máis información ao respecto na nosa páxina web (www.brinquedia.net), no apartado Encontro Escolar.
Dense polo tanto por convidados a asistir a esta festa centrada nos nosos xogos tradicionais, a cal nesta ocasión convírtese xa en decana e tantas satisfaccións ten dado a alumnado e familias asistentes en anteriores edicións.
Porque a pesar de levar a denominación de "escolar", é unha actividade aberta á participación de tódolos membros das comunidades educativas, así coma a outro tipo de asociacións e entidades que valoran o xogo tradicional coma un aspecto relevante e importante da nosa cultura.
Se queren consultar calquera aspecto relacionado coa actividade, non dubiden en contactar con nós no seguinte enderezo de correo electrónico:brinquedia@brinquedia.net
Agardando contar coa súa presenza nesta edición (ou noutras futuras), reciban un atento saúdo.
Iván Montes
Membro da Xunta Directiva
Brinquedia, a rede galega do xogo tradicional
